મહિલા તલાટી તથા ગાંધીનગર એકેડમીનો સંચાલક રૂ.એક લાખની લાંચ લેતા ઝડપાયા

નાંદોદ તાલુકાના નરખડી ગામની મહિલા તલાટી તથા ગાંધીનગર
એકેડમીનો સંચાલક રૂ.એક લાખની લાંચ લેતા ઝડપાયા

લાંચ લેવામાં મહિલાઓ પણ પુરૂષ કરતા કંઇ કમ નથી

એસીબી સુરતનું સફળ ઓપરેશન

રાજપીપળા, 23

લાંચ લેવામાં માત્ર પુરુષો જ આગળ છે એવુ નથી
મહિલાઓ પણ કમ નથી
નાંદોદ તાલુકાના નરખડી ગામની મહિલા તલાટી તથા ગાંધીનગર
એકેડમીનો સંચાલક રૂ.એક લાખની લાંચ લેતા ઝડપાતા ચકચાર મચી જવા પામી છે એસીબી સુરતનું સફળ ઓપરેશન કરી લાંચનું છટકુ ગોઠવીને આરોપીઓને ઝડપી પાડ્યા હતા જેમાં ઝડપાયેલા આરોપીઓ નિતાબેન મોકમભાઇ પટેલ, તલાટી, નરખડી ગ્રામ પંચાયત, તા.નાંદોદ, જી.નર્મદા વર્ગ-૩અને મહેશભાઇ અમૃતભાઇ આહજોલીયા, સામે કાર્યવાહી હાથ ધરી છે
બનાવની વિગત પ્રમાણે
એક જાગૃત નાગરિક
ફરીયાદીનીફરિયાદ પ્રમાણે નર્મદા જીલ્લાના નાંદોદ તાલુકાના નરખડી ગામમાં ખેતીની જમીન આવેલી છે. જે જમીનની દેખરેખ અને જમીન લગત અન્ય કામગીરી આ કામના ફરીયાદી સંભાળે છે. ખેતીની જમીનમાં ખેતીને લગત બીયારણ, ખાતર વિગેરે સરસામાન મુકવા તેમજ મજુરોને રહેવા માટે પતરાના શેડવાળી ઓરડીઓ બનાવેલ, જેમાં વિજ મીટરની જરુરીયાત હોવાથી નરખડી ગ્રામપંચાયતમાં ઘર નંબર ફાળવવા અને જરૂરી મંજુરી મેળવવા અરજી કરેલ હતી. જે કાર્યવાહી કરવાના અવેજ પેટે આ કામના આરોપીનિતાબેન મોકમભાઇ પટેલ, તલાટી, નરખડી ગ્રામ પંચાયત, તા.નાંદોદ, જી.નર્મદા વર્ગ-3 એ ફરીયાદી તથા સાહેદ પાસે રૂ. ૧,૦૦,૦૦૦/-ની લાંચની માંગણી કરેલ અને તે લાંચની રકમ આંગડીયા મારફતે ગાંધીનગર આરોપી
મહેશભાઇ અમૃતભાઇ આહજોલીયા, (ખાનગી વ્યક્તિ) ને આપવા જણાવેલ.
જે લાંચની રકમ ફરીયાદી આપવા માંગતા ના હોય, ફરીયાદીએ એસીબીનો સંપર્ક કરી, ફરીયાદ આપતા જે ફરીયાદ આધારેતા.૨૨.૦૯.૨૦૨૨ના રોજ લાંચના છટકાનું આયોજન કરતા, આ કામના ફરીયાદી સાથે આરોપીનિતાબેને અને સાહેદ સાથે આરોપી મહેશભાઇએ મોબાઇલ ફોન ઉપર હેતુલક્ષી વાતચીત કરી, ફરીયાદીએ સુરતથી આંગડીયા મારફતે મોકલાવેલ રૂપિયા ૧,૦૦,૦૦૦/- લાંચની રકમ ગાંધીનગર આંગડીયાની ઓફિસ ખાતેથી આરોપી
મહેશભાઇએ તેઓના ઓળખીતા બે વ્યક્તિઓ મારફતે લાંચની રકમ સ્વીકારેલ. લાંચના છટકાની કાર્યવાહી દરમ્યાન આરોપી નીતાબેન નર્મદા જીલ્લા ખાતેથી તથા આરોપી મહેશભાઈ
ગાંધીનગર ખાતેથી મળી આવેલ છે.

બન્ને આરોપીઓને એસીબીએ ડીટેઇન કરી આગળની કાર્યવાહી હાથ ધરેલ છે.ટ્રેપીંગ અધિકારી તરીકે શ્રીમતી એ.કે.ચૌહાણ, પોલીસ ઇન્સપેકટર, ફિલ્ડ, એસીબી સુરત એકમ, સુરત તથા સ્ટાફતથા સુપર વિઝન અધિકારી : એન.પી.ગોહિલ, મદદનીશ નિયામક, એસીબી સુરત એકમ, સુરતે કામગીરી કરી હતી.

તસવીર :દીપક જગતાપ, રાજપીપળા