અંતે સહજ ઓગળી જવા અસ્તિત્વે શરુથી જ માયા માલિકીને ફગાવીએ – મિત્તલ ખેતાણી.રાજકોટ

જીવીએ અને જીવીને જ દેખાડીએ

હસીએ અને સૌને પણ હસાવીએ
રોકાઈ ગયાં હોય તેને દોડાવીએ

દેખાડીને જીવવાં કરતાં તો ચાલોને
જીવીએ અને જીવીને જ દેખાડીએ

જે સમજે છે તેને ના સમજાવીએ
જે ના સમજે તેનેય ના સમજાવીએ

જાતેજ સમજી જવું એ જ છે સમજ
ધૂપબતીને ચાલો દીપશીખા બનાવીએ

રુદન,ક્રોધ ને દ્વેષથી ઘેરાંયેલાં વિશ્વને
સત્ય,પ્રેમ ને કરુણાનો ચેપ લગાડીએ

સમાજને સુધારવાની ઘેલછાને મૂકીને
જાતરૂપી નાલાયકને પ્રથમ સુધારીએ

અંતે સહજ ઓગળી જવા અસ્તિત્વે
શરુથી જ માયા માલિકીને ફગાવીએ

-મિત્તલ ખેતાણી(રાજકોટ,મો.9824221999)નાં કાવ્ય સંગ્રહ ‘स्वान्तः सुखाय’માં થી