મશહૂર ….! – બીના પટેલ.

મશહૂર ….!

સૂરજને કહું તું કાલે વ્હેલો ઉગજે ,

તારી ગરમીથી મારાં

અહંકારને ઓગાળી મૂકજે …

પવનને કહું ,તું હળવે દરવાજો ખખડાવજે ,

મારા અલ્લડપણાંને આંખના ઈશારે ટકોરજે …

ચાંદને કહું , તું બીજના દિવસે મારી પાસ આવજે ,

ભીતરથી શીતળતા મળે કેમ ,એ સમજાવજે …!

સાંજને કહું ,તું સોનેરી કોર લઈને આવજે ,

બિડાયેલી મારી આંખોમાં ક્ષિતિજો દોરજે ….!

મંજિલને કહું , તું સફરને કઠિન બનાવજે ,

થોડાં મશહૂર થવાની

ચર્ચાને જરી લંબાવજે …!!

બીના પટેલ