👌🏻જુનુ એ જુનું. 💐

🌹1940 થી 1980 માં જન્મેલા તો …
એક યુગમાં બે યુગ જીવ્યા !!

🌹આપણે તો ગામડાંનો આનંદ માણ્યો અને શહેરની હવા પણ લીધી.

🌹આપણે દેશી નળિયાંની ઠંડી હવા પઢ માણી જોઇ અને ધાબાવાળા મકાનનો બફારો પણ માણી જોયો.

🌹આપણે ફળિયાંમાં ખાટલાંમાં સુઇ ખુલ્લાં આકાશની અનુભૂતિ કરી લીધી અને પલંગમાં સુવાનો આનંદ પણ માણી લીધો.

🌹થીગડાવાંળાં કપડાં પહેરવાનો અને ફેશનેબલ કપડાં પહેરવાનો અનુભવ પણ કરી લીધો.

🌹આપણે ગામડાની દેશી રમતો રમવાનો આનંદ માણી લીધો અને વિડીયો ગેમ પણ જોઇ લીધી.

🌹આપણે તળાવમાં નાહવા નો આનંદ માણી લીધો અને વૉટર પાર્કનો અનુભવ પણ કરી લીધો.

🌹આપણે તો સાઇકલનાં બે ડાંડિયા વચ્ચે પગ નાખી સાઇકલ ચલાવવાનો આનંદ માણ્યો અને ટુ વ્હીલ , ફોર વ્હીલ અને પ્લેનની મુસાફરીની સફર પણ માણી જોઈ.

🌹ફાનસનાં અજવાળાં જોઈ લીધા અને લાઈટનાં અજવાળાં પણ જોયાં.

🌹આપણે ગામડાંમાં ભજવાતી ભવાઇઓ જોઇ લીધી અને ટી.વી.ના પડદા પર ભજવાતાં ડ્રામા પણ જોઈ લીધાં.

🌹આપણે ગામડાંની સરકારી શાળાનો અને શહેરની સ્કૂલોમાં ભણતરનો અનુભવ કરી લીધો.

🌹આપણે ગામડાંમાં ગાડાંમાં બેસી જાનમાં જવાનો આનંદ પણ માણી લીધો અને બગીમાં બેસી પરણવા જતાં લગ્ન પણ જોઈ લીધાં.

🌹આપણે ચોમાસાં માં કોથળાં ના માસલાં પહેરી વરસાદનો આનંદ માણી લીધો અને છત્રીમાં વરસાદની આવતી ઝણનો અનુભવ પણ કરી લીધો.

🌹આપણે માથે બેડું લઈ ગામ પાદરે કુવે પાણી ભરવાં જતી પનીહારીઓને પણ જોઈ અને નળમાં પાણી ભરતી સ્ત્રીઓ ને પણ જોઈ.

🌹આપણે બળદથી થતી ખેતી જોઈ અને ટ્રેકટરથી થતી ખેતી પણ જોઈ.

🌹આપણે ગમાણે બાંધેલા પશુઓથી ધબકતાં આંગણાં પણ જોઈ લીધાં અને પશુઓ વિનાનાં આંગણા પણ જોઈ લીધાં.

🌹આપણે છુટી ધોતી , પાઘડી અને સોણી- કેડિયાં પહેરેલા વડીલોનેય જોયાં અને ભરત ભરેલાં અને કાપડાં પહેરેલી માવડીઓને પણ જોઈ.

🌹આપણે ઢોરાં ચારવાનો , બોરા વીણવાનો , બાવળનાં પૈડા – ખીજડાની સીંગો અને આંબલીનો મોર ખાવાનો આનંદ માણ્યો અને રેડીમેડ વસ્તુ ખાવાનો અનુભવ પણ કરી લીધો.

🌹આપણે તળાવની પાળે અને કુવાના થાળે બેસી મોજ મસ્તીનો આનંદ અને કુવામાં ડેગડી ચડાવવાનો આનંદ માણી લીધો.
🌹સોસાયટીના નાકે બાકડે બેસવાનો અનુભવ પણ કરી લીધો.

🌹કપાસના જીંડવા ચુસવાનો આનંદ પણ માણી લીધો.

🌹આપણે પૂર્ણ વસ્ત્રો પહેરી ઘુમટો તાણી કામ કરતી માવડીઓને પણ જોઈ અને ફેશનેબલ કપડાં પહેરી ઉઘાડાં માથે ફરતી નારીઓ પણ જોઈ.

🌹આપણે ધરધંટીએ અનાજ દળતી માવડીઓને જોઈ અને માથે દળણાં ની પેટી મુકી ઘંટીએ દળાવવાં જતી સ્ત્રીઓ પણ જોઈ.

🌹તળાવનાં કુવે કપડાં ધોતી માતાઓને પણ જોઈ અને વૉશીંગ મશીનમાં કપડાં ધોતી સ્ત્રીઓ ને પણ જોઈ.

આપણે ગોફણ , જોતર , છીંકલા , ખરપિયો , જીંહલુ , સલાખા , મોદ , બુંગણ , ગાગર , બોઘણુ , ગોળી , છીછણિયુ , ઇંઢોણી , હેલ , બુઝારુ , દોહણુ , કળશો , ફાનસ , સરૂડી , ચૂલો , તાવડી , ડોલસુ , સંજવારી , વાસીદુ , સાંતી , ધોહરુ , રાંઢવું આપણે જોયાં છે !!

નવી પેઢીને તો આવા શબ્દો માત્ર ડિક્શનરીમા જોવાં મળશે…

આપણે જીવનમા ઘણી આફતો જોઈ
કદાચ આ યુગની આ અંતિમ પેઢી હશે !
જેને એક ભવમા બે ભવનો અનુભવ થયો હોય ..!!

*સમય બદલાય છે*.
જુની પેઢીના કંઇક લોકોએ દેશ અને વિદેશનો પણ અનુભવ કરી લીધો.

આજે ઘરમાં બેઠાં બેઠાં જુની બે વાતો નવી પેઢી સાથે શેર કરો.

🙏🏻 *વિસરાઇ જતી પરંપરા.