ચિંતાજનક: દેશમાં 146 દિવસ પછી 1500 થી વધુ કોરોનાના કેસ.

દેશમાં ફરી એકવાર કોરોના વધવા લાગ્યો છે. કેન્દ્રીય સ્વાસ્થ્ય મંત્રાલય દ્વારા જાહેર કરવામાં આવેલા આંકડા મુજબ છેલ્લા 24 કલાકમાં કોરોનાના 1,590 નવા કેસ સામે આવ્યા છે. આ સાથે સક્રિય કેસોની સંખ્યા વધીને 8,601 થઈ ગઈ છે. જણાવી દઈએ કે, ભારતમાં 146 દિવસ બાદ એક દિવસમાં કોવિડ-19ના 1,500થી વધુ નવા કેસ નોંધાયા છે. વધતા જતા કેસોને જોતા આરોગ્ય વિભાગે સતર્ક રહેવા સૂચના આપી છે.