ફૂલ તો બીજે દિ ,ખરી પડે , હૈયે છાપ તારી ,ઝાંખી ના પડે , મારી વાત માન ,તારા સ્મિતથી મૈત્રી મ્હેંકે .. – બીના પટેલ

આજે “વિશ્વ કવિતા “દિવસે …આપણાં સૌ કોઈમાં વસેલા ઓછા -વત્તા પ્રમાણમાં હદયસ્થ થયેલા કવિત્વને અનોખી શુભકામનાઓ .
કલ્પનાની પાંખે ઉડીને સ્વપ્નલોકમાં સરવું કોને ન ગમે …! શબ્દોની ભૂમિ પર સપનાને ઉછરતાં જોવા
એ અઘરું તો છે , પણ અશક્ય નથી .

તારા સ્મિતથી ….

લીલા પાન પર ઝાકળ ખીલે ,
ડુંગરની ઓથે સૂરજ ઉગે ,
મારી વાત માન ,
તારા સ્મિતથી મારી પરોઢ જાગે ,

ફૂલની છાબમાં અત્તર ઢળે ,
ખુશ્બુનો એક ખજાનો મળે ,
મારી વાત માન ,તારા સ્મિતથી ઝાકળ હસે ,

ચહેરા પર અનેરું તેજ ખીલે ,
કિરણો કહું ,તું કેમ જલે ,
મારી વાત માન ,તારા સ્મિતથી સૂરજ નમે ,

ફૂલ તો બીજે દિ ,ખરી પડે ,
હૈયે છાપ તારી ,ઝાંખી ના પડે ,
મારી વાત માન ,તારા સ્મિતથી મૈત્રી મ્હેંકે …

બીના પટેલ