<h4>મશહૂર ....!</h4> <h4>સૂરજને કહું તું કાલે વ્હેલો ઉગજે ,</h4> <h4>તારી ગરમીથી મારાં</h4> <h4>અહંકારને ઓગાળી મૂકજે ...</h4> <h4>પવનને કહું ,તું હળવે દરવાજો ખખડાવજે ,</h4> <h4>મારા અલ્લડપણાંને આંખના ઈશારે ટકોરજે ...</h4> <h4>ચાંદને કહું , તું બીજના દિવસે મારી પાસ આવજે ,</h4> <h4>ભીતરથી શીતળતા મળે કેમ ,એ સમજાવજે ...!</h4> <h4>સાંજને કહું ,તું સોનેરી કોર લઈને આવજે ,</h4> <h4>બિડાયેલી મારી આંખોમાં ક્ષિતિજો દોરજે ....!</h4> <h4>મંજિલને કહું , તું સફરને કઠિન બનાવજે ,</h4> <h4>થોડાં મશહૂર થવાની</h4> <h4>ચર્ચાને જરી લંબાવજે ...!!</h4> <h4> બીના પટેલ</h4>